Police men damaged booths for poor men just because an important figure will pass by the area

انا عمري ما كان ليا اتجاه ديني او سياسي، ولا عندي كره الحكومة زي ما معزم الناس عندها. انا دايما مع الحق اللي انا شايفاه حق من وجهة نظري.
انهاردة زي اي يوم نازلة بمشي كلبتي في المنطقة و حول حديقة الطفل (مدينة نصر) ، كان في تركيز امن و بوليس في كل حتة و عربيات ماشية، و لما سألت سواق عربية البوليس في اية قال لي تأمين و بعد كدا عرفت من الناس في الشارع ان في حد مهم معدي.
في الاول قلت ممكن بيأمنوا عشان قنابل او حاجة و بعدين لقيت حركة غربية من اصحاب الاكشاك و البياعين في الشارع لدرجة اني شكيت فيهم. رجعت و قعدت في الجنينة مع كلبتي، سمعت صوت تكسير عالي اوي، جريت عشان اشوف في اية لقيت عربيات بوليس و بلدوزر ص عربيتين شبه بتوع الزبالة كبار كدا و لقيهم بيكسروا كشك عادي جدا في مكان عادي جدا.
اتكلمت مع اللواء اللي كان معاهم و قلتلوا مش حرام كدا و دي ناس غلابة و انتوا كدا بتشجعوا البطالة و السرقة و ان دول ناس غلابة مش مضيقين حد. كان رد فعله بمنتهي البرود "هو معوش ترخيص!" قلتلوا بدل الهمجية دي ممكن تدلو مهلة قالي " هو من اول ما بناه و هو عارف انوا لازم يرخصوا و بعدين هو بناه في اد ايه يعني هيرجعوا تاني! و بعدين دي ارض عامة ملك الناس " و مشي بكل برود و كان في ناس تبع الداخلية معرفش رتبهم بس مش لبسين ميري . جيبين كراسي و قعدين علي الرصيف التاني بيتفرجوا و مبسوطين اوي و زعقوا في الناس الملمومة و قالولهم يمشوا. ساعتها اتعصبت اوي و قلتلوا " مش هو لسه قايل ان دي ارض عامة ملك الناس، خلاص يبقي هما يقفوا في الحتة اللي تعجبهم" ف قالي تعال هنا، رحتلوا و سأاني انت عايزه ايه دلوقتي قلتلوا " يعني انتوا بس فلحين تتشتروا علي الغلابة و سايبين البلد تولع، كنتوا فين انتوا و الكلب بيتدبح في الشارع ولا لما اي مصيبة بتحصل، كل دا عشان حد معدي" و اقعت اقولوا كلام كتير اوي و الراجل مبيردش و بعدين مشيت.
لما رجعت اتكلمت مع اصحاب الكشك و قالوا ان معاهم ترخيص و البوليس اخد الصورة و الاصل في البيت!
في الصور دي كلها صور لاصحاب كشك غلابة بيسترزوا و الحكومة عملت عليهم راجل!! كل دي خساير ليهم و فلوس راحت علي الارض. هو بكرة هيجيب التصريح و هصوروا و هنزلوا عشان يبان الظلم و الافترة علي الغلابة !!

الكشك اسمه اولاد ابو هاشم في شارع عبد الرازق السنهوري مدينة نصر.
Sign Petition
Sign Petition
You have JavaScript disabled. Without it, our site might not function properly.

Privacy Policy

By signing, you accept Care2's Terms of Service.
You can unsub at any time here.

Having problems signing this? Let us know.