Awor ku a sali na kla ku Radio Direct a bin ta paga kriminal pa saka testimonio falsu i inkriminatorio kontra un miembro di Parlamento di Pueblo di Kòrsou, anto den esaki no ta importá nos ta ken òf di kua kolo polítiko, a yega ora pa pueblo di Kòrsou bin para aden i tuma akshon.
Pueblo di Kòrsou no ta akseptá ni tolerá pa gobièrnu òf parlamento di Kòrsou, kontinuá e kontrato(nan) i sigui gasta plaka di pueblo na e radio emisora konserní. P’esei pueblo ta eksigí para tur kontrato i pago ku plaka di pueblo na e radio emisora konserní.
Ademas pueblo di Kòrsou ta eksigí hustisia. Esaki ta enserá ku Ministerio Públiko mester inisiá un investigashon enkuanto e pagamentu di un kriminal pa saka testimonio falsu i inkriminatorio aki, i investigá tambe si esaki a bin ta tuma lugá na mas ku un okashon.
No tin mester di splikashon ku e akto penal, kriminal i inakseptabel aki dje radio emisora konserní, pagando un kriminal pa saka testimonio falsu i inkriminatorio kontra un representante di pueblo, ta mina integridat di nos hustisia, demokrasia i derecho di estado.
Komo tal e petishon aki ta pa salbaguardiá integridat di nos hustisia, nos demokrasia i derechi di estado di Kòrsou!
Apresiabel Promé Minister, Presidente di Parlamento i Prokurador-general,
Pueblo di Kòrsou tin e siguiente petishon!
Awor ku a sali na kla ku Radio Direct a bin ta paga kriminal pa saka testimonio falsu i inkriminatorio kontra un miembro di Parlamento di Pueblo di Kòrsou, anto den esaki no ta importá nos ta ken òf di kua kolo polítiko, pueblo di Kòrsou ta eksigí lo siguiente:
- Pa gobièrnu di Kòrsou para tur kontrato ku i pago ku plaka di pueblo na e radio emisora konserní
- Pa Parlamento tambe para tur kontrato ku i pago ku plaka di pueblo na e radio emisora konserní
- Pa Ministerio Públiko inisiá un investigashon enkuanto e pagamentu di un kriminal pa saka testimonio falsu i inkriminatorio aki, i investigá tambe si esaki a bin ta tuma lugá na mas ku un okashon.
Ku e akto penal, kriminal i inakseptabel aki, pagando un kriminal pa saka testimonio falsu i inkriminatorio kontra un representante di pueblo di Kòrsou, e radio emisora konserní a bin ta mina nos tur su demokrasia i derecho di estado.
Firmantenan ta urgi tantu Promé Minister, Presidente di Parlamento i Prokurador-general, pa kada un kumpli ku e petishon di pueblo aki, na fabor di hustisia, nos demokrasia i derechi di estado di Kòrsou!
Firma pa
