Estabiliza Kodigu kondutu ba kondutor transporte publiku

Ami nudár joven feto Timor-Leste hakarak atu hato'o ba ministériu dos Transporte e Comunicacões Sr. Jose Agostino da Silva ho Diretór Nasionál de Transporte Terrestre Sr. Natalino do Rosario atu kria kódigu kondutu ba kondutór transporte públiku sira hanesan microlet no taxi. Atu nune'e sira bele halo promete ida hodi la bele halo ka suporta kazu asédiu seksuál ba iha pasajeiru sira liu-liu ba maluk feto sira.

Tanba bazeia ba esperiénsia ne'ebé maka ami hasoru ona wainhira ami uza transporte microlet no taxi, tantu ami mesak ou hamutuk ho pasajeiru sira seluk liu-liu mane, ami kada vez sempre hasoru asédiu seksuál. No ida ne'e sempre afeta ba ami nia an no ami nia atividade.

Nune'e ami husu ba Ministériu Transporte no komunikasaun atu estabiliza lalais kódigu kondutu ne'e ba kondutór microlet no taxi sira bele mantén seguransa mai ami wainhira ami uza sira nia transporte.

Ami presiza moris iha liberdade nia laran no sente seguru iha ami nia moris.