မိသားစုကိုယ်ပိုင်ကျောင်းပြန်လည်ဖွင့်လှစ်မည့်ကိစ္စအပေါ်ကန့်ကွက်ချက်

ကျွန်ုပ်တို့မိသားစုကိုယ်ပိုင်အထက်တန်းကျောင်းကြီးသည်
စစ်ကောင်စီ၏ ဖိအားပေးမှုကြောင့် ပြန်လည်ဖွင့်လှစ်ရန် စီစဉ်လျက်ရှိကြောင်း ကြားသိရသဖြင့် မိမိတို့အနေဖြင့် စုံစမ်းအတည်ပြုကြည့်ရာ နေ့ကျောင်း (day) သဘောမျိုး ပြန်လည်ဖွင့်လှစ်မည်ဟု သိရှိရပါသည်။
ထို့ကြောင့် ကျွန်ုပ်တို့ မိသားစုကျောင်းသူကျောင်းသားများမှ အကြမ်းဖက် စစ်ကောင်စီ၏ အုပ်ချုပ်ရေးယန္တရား လည်ပတ်နိုင်ရန်
အထောက်အကူဖြစ်စေမည့် လုပ်ရပ်ဖြစ်သော မိသားစုကျောင်းပြန်လည်ဖွင့်လှစ်မည့်ကိစ္စအပေါ် အပြင်းအထန်ကန့်ကွက်ပါသည်။
ယခုတော်လှန်ရေးကာလပညာသင်နှစ်တွင် ဖြေဆို အောင်မြင်သွားသူမှန်သမျှအားလည်း ‌ကျွန်ုပ်တို့မိသားစုကျောင်းသူကျောင်းသားများအနေဖြင့် အသိအမှတ်ပြုမည်မဟုတ်ပဲ Social punishment ပြုလုပ်သွားမည်ဖြစ်ကြောင်း အသိပေးအပ်ပါသည်။
သွေးကြွေးမှာ ဆွေးနွေးစရာမရှိသည့်အတွက် မိသားစုကျောင်း၏ အကြမ်းဖက် စစ်ကောင်စီရဲ့ အုပ်ချုပ်ရေး ယန္တရားကိုအထောက်အကူပြုစေမည့် မည်သည့်ကိစ္စရပ်များကိုမဆို ကျွန်တော်တို့ မိသားစုကျောင်းသူကျောင်းသားများမှ ကန့်ကွက်သွားမည်ဖြစ်ပါသည်။